ШУТИС-ийн харьяа Өмнөговь аймаг дахь Технологийн дээд сургуулийн мэргэжил сурталчлах өдөрлөг 3-р сарын 25-ны өдөр Өмнөговь аймгийн Цогтцэций суманд зохион байгуулагдлаа. Өдөрлөгт ШУТИС-аас урилгаар ирсэн Эрчим хүчний сургуулийн багш Доктор (Ph.D) Монгол улсын зөвлөх инженер О.Цогбаяр, Мэдээлэл, холбооны Технологийн сургуулийн багш Боловсрол судлалын доктор А.Түвшинбаяр, Бизнесийн удирдлага хүмүүнлэгийн ухааны сургуулийн Технологийн тэнхимийн багш Доктор Б.Баттулга, Хэрэглээний шинжлэх ухааны сургуулийн Физикийн тэнхимийн Доктор С.Цэрэнбалжид багш нар хүрэлцэн ирж сурагчидтай уулзаж, мэргэжлийн онцлог, давуу талыг танилцуулах ажлыг амжилттай зохион байгууллаа.

Манай сургууль нь:

-Уул уурхайн ашиглалтын технологи

-Мэдээлэл технологи

-Цахилгааны инженер

-Газрын тосны инженерчлэл мэргэжлүүдээр элсэлт авч байна.

Мөн нэмэлтээр "1+3(1 өмнөговь аймагт 3 жил УБ ШУТИС-д)" хөтөлбөрөөр:

-Иргэний ба үйлдвэрлэлийн барилгын инженер

-Механик инженер

-Үйлдвэрлэлийн автоматжуулалт

Мөн түүнчлэн манай сургуульд элсэн суралцагчдад дараах боломж, давуу талууд байгааг төгсөх ангийн сурагчдад мэдээлэл хүргэлээ. Үүнд:

-Орон нутагтаа 50-100% тэтгэлэгтэй суралцах боломж

-Гадаадын их дээд сургуулиудтай хамтарсан "2+2" хөтөлбөр

-ШУТИС-ийн сургуулиуд дотооддоо хамтарсан 1+3 хөтөлбөр

-ШУТИС-ийн сургуулиудтай хамтран "Магистр, Доктор"-ын сургалтууд

-Өмнөговь аймаг дахь Технологийн дээд сургуулийн дэргэдэх хэлний төвд 50% хөнгөлөлттэй суралцах боломж

-10-р ангиасаа Коосэн коллежид орон нутагтаа суралцах боломж

Биднийг дэмжин хамтран ажилласан Цогтцэций сумын Борын нэрэмжит 1-р сургуулийн хамт олон болон Улаанбаатар хотоос хүрэлцэн ирж илтгэл тавьсан Доктор багш нартаа талархал илэрхийлье.