ШУТИС-ИЙН ХАРЬЯА ӨМНӨГОВЬ АЙМАГ ДАХЬ ТЕХНОЛОГИЙН СУРГУУЛИЙН ШИНЭ ЖИЛИЙН НЭЭЛТ НИЖГЭР БОЛЛОО.
Өмнөговь аймгийн ТЕХНОЛОГИЙН ДЭЭД СУРГУУЛЬ 2023-2024 оны хичээлийн жилд Цахилгааны инженер, Уул уурхайн ашAиглалтын технологи, Мэдээллийн технологийн ангиудад элсэлт авсаны зэрэгцээ КООСЭН технологийн коллежид элсэлтээ бүрдүүлж нийт 210 оюутан суралцахаар амжилттай бүртгүүлжээ.
ШУТИС-ийн харьяа Өмнөговь аймаг дахь Технологийн сургуулийн нээлтийн үйл ажиллагаанд Аймгийн Засаг дарга Р.Сэддорж, ЗДТГ-ын Нийгмийн бодлогын хэлтсийн дарга Ц.Бадамцэрэн, Боловсрол, Шинжлэх ухааны газрын дарга Д.Баасанхүү Монгол Улсын гавьяат багш Адилбиш нар оролцож, оюутнуудад баяр хүргэж, амжилт хүслээ.
Сургуулийн сургалтын үйл ажиллагаанд ШУТИС-ийн ХШУС-н багш С.Уранчимэг ГХС-н ахлах багш А.Ариунаа багш Ц.Оюунтунгалаг, МТС-ийн ахлах багш Д.Оюунчимэг (Ph.D) нар томилолтоор ажиллаж байна. Эрдэмтэн багш нартаа ажлын амжилт хүсье.
Өмнөговь аймгийн ЗДТГ-аас 2023-2024 хичээлийн үйл ажиллагааны дэмжлэг багш нарын цалин, томилолтын 144.0 сая төгрөг, лаборатори байгуулахад зориулж 200 сая төгрөгийг орон нутгийн төсвийн хөрөнгө оруулалтаар хийж байгаа билээ.
Цаашид ч дэмжин ажиллана гэдгээ Аймгийн засаг дарга Р.Сэддорж нээлтийн үеэр хэлсэн үгэндээ онцоллоо.
Өмнөговь аймгийн удирдлагууддаа баярласан талархсанаа илэрхийлье.
ОЮУТНУУД МААНЬ ӨНГӨЛӨГ, БАГШ НАР МААНЬ АЖИЛЛАХ УРАМ ЗОРИГ ДҮҮРЭН БАЙНА.
ХАМТЫН АЖИЛЛАГААНЫ САНАМЖ БИЧИГТ ГАРЫН ҮСЭГ ЗУРЛАА.
Мэдээллийн технологи, шинжлэх ухаан, цахим техник, хиймэл оюун ухаан хурдацтай хөгжиж буй өнөө үед ӨмТДС-ийн Коосэн коллежийн 1-2-р ангийн сурагчид энэ хөгжлийн хэмнэлд хөл нийлүүлэн урагшилж байна.
JICA-ЖАЙКА-ийн Монгол дахь Төлөөлөгчийн газрын суурин төлөөлөгч КАВАБАТА Рэико, ШУТИС-ийн харьяа Коосэн Технологийн коллежийн захирал Д.Дулмаа, ШУТИС-ийн харьяа ТК-ийн багш Жайкагийн сайн дурын гишүүн Кохэй Сугай, ШУТИС-ийн харьяа ТК-ийн гадаад харилцааны менежер Д.Тунгалаг нар ШУТИС-ийн харьяа Өмнөговь аймаг дахь Технологийн дээд сургуулийн Коосэн Технологийн коллежийн үйл ажиллагаатай танилцаж, багш, ажилчид болон оюутан сурагчид, эцэг эхчүүдэд “Коосэн боловсролын тогтолцоо”-ний талаар сургалт хийж, гадаад харилцааны үйл ажиллагааны талаар, Японы коосэн сургуулийн тухай мэдээлэл өгч, судалгаа хийлээ. Мөн Японы коосэн сургуулийн талаар ШУТИС-ийн харьяа ТК-ийн багш Жайкагийн сайн дурын гишүүн Кохэй Сугай, багш ажилчид, оюутан сурагч болон эцэг эхчүүдэд мэдээлэл өглөө.
Коосэн Технологийн коллежийн эцэг эх, оюутнуудын уулзалт,1-р улирлын дүнгийн хурал боллоо.
Коосэн хөтөлбөрийн Цахилгааны инженерчлэл мэргэжлийн ангиудын Цахилгаан ба электроникийн туршилт 1,2 хичээлийн явц
© 2025 Монгол Улсын Шинжлэх Ухаан Технологийн Их Сургууль, Мэдээллийн технологийн төв
